PinoyWiseFriar

Hulyo 5, 2020. Ika-14 na Linggo sa Karaniwang PanahonSunday  Pagninilay sa Mabuting Balita ng Panginoon ayon kay San Mateo 11: 25-30 Sa aking pagninilay sa mga pagbasa sa araw na ito ng ika-14 na Linggo sa Karanwiang panahon, nangibabaw ang dalawang salita. Kababaang-loob at kapahingahan. Sa mga pagbasa, ipinapakita na ang ipinangakong Mesiyas, may kababaang-loob. Taglay ay kapayapaan para sa bayang Israel.  Sa Mabuting Balita, sinabi ni Hesus na ipinahahayag ng Ama ang Kanyang Sarili sa mga simple at mabababa ang kalooban.. At si Hesus mismo, nagtataglay ng kababaan ng loob.. Sa ating buhay, madalas ay umaasa tayo sa ating sarili. Gustong gusto nating sabihin na “I am a self-made person.” Umunlad ako at nagtagumpay dahil sa sarili kong pagsisikap at pagpupunyagi. Kaya umaasa tayo, kakayanin natin ang lahat ng bagay. Masipag tayo. Madiskarte tayo at marunong sa buhay. I am in control of my life."  Wala namang masamang magtiwala sa sariling kakayahan. Pero minsan sa ating ...

Hulyo 4, 2020. Sabado. Ika-13 Linggo sa Karaniwang Panahon Pagninilay sa Mabuting Balita ayon kay San Mateo 9: 14-17 Kapag marahil, may nagpakita sa atin ng isang baso na may lamang tubig, na kalahating puno at tinanong tayo kung ano ang masasabi natin sa tubig, marahil ang una nating masasabi ay ang baso ay “kalahating puno ng tubig”. Yan marahil ang una nating maiisip. Pero, nakahanda ba tayo na may ibang tao na magsasabi na ang baso ay “kalahating kulang ng tubig?” o di kaya, madumi ang lamang tubig ng baso? O kaya naman ay “nakatatanggal ng uhaw ang tubig?” Tatanggapin kaya natin? Maari ba nating sabihin na tama ang lahat ng kanilang naging pagtingin sa tubig? Tunay na pwedeng isang bagay lang ang ating tinitingnan pero iba-iba ang ating pagtingin o interpretasyon sa magkaparehong bagay. Sa ating pagtingin maaring tama tayo o mali ang iba, o tama ang iba o mali tayo, o tama tayo at tama rin ang iba. Pero ito ba ay usapin ng pagiging tama o pagiging bukas na tanggapin ang pagtingin ...

Hulyo 3, 2020. Friday. Kapistahan ni Sto. Tomas, Apostol Pagninilay sa Mabuting Balita ng Panginoon ayon kay San Juan 20: 24-29 Ano ang matututunan natin sa ating Mabuting Balita ngayong ating ipinagdiriwang ang kapistahan ni Apostol Sto. Tomas? Ang mga alagad, hindi sila sila piniling perpekto. Katulad rin natin sila. Sa simula, hindi rin nila agad naunawaan si Kristo, pinanghihinaan din sila ng loob, nakakaramdam ng takot at pagdududa. Wala silang gaanong pinagkaiba sa atin. Ordinaryong ordinaryo din silang tulad natin. Ngunit habang tumatagal nilang kasama si Hesus at lumalalim ang kanilang ugnayan sa Kanya, unti-unti, nagiging matibay at matatag sila. Nakalulungkot na nakilala si Tomas sa kasaysayan bilang “Doubting Thomas” Ang alagad na nagduda sa muling pagkabuhay ng Panginoon. Pero hindi natapos sa pagdududa si Tomas. Yon ang mas mahalaga. Bagkus nang kanyang makita ang Panginoon at ipahawak sa kanya ang mga sugat na tinamo ni Hesus, naroon naman ang pinakamalalim na hugot ng pa...

July 2, 2020. Thursday of the 13th Week in Ordinary Time Reflection on the Holy Gospel according to St. Matthew 9: 1-8 Today Jesus was confronted by the teachers of the law because of his act of healing and forgiving the paralytic man. In a way, the teachers of the law were partly correct with their reaction when they heard Jesus say “Your sins are forgiven.” In such a way that they acknowledge that forgiveness is indeed a Divine action. But they were wrong in accusing Jesus of insulting God by forgiving the sins of the paralytic man. For truly, God has given man the power to forgive others’ transgressions not for him to become another god, but for him to acknowledge and further appreciate his own humanity. That like the person he forgives, he is as human and as frail, also in need of healing. Indeed, the act of forgiving is not an act of man. When we forgive, there is always the element of the Divine present because, humans as we are, we cannot forgive so easily just by ourselves. The...

Hulyo 1, 2020. Miyerkules sa ika-13 Linggo sa Karaniwang Panahon Pagninilay sa Mabuting Balita ng Panginoon ayon kay San Mateo 8: 24-34 Ano ang nangyayari kapag ang lipunan ay patuloy na nakalilimot at hindi kumikilala sa kapangyarihan ng Diyos? Nanlalamang tayo sa kapwa, kumukuha tayo ng hindi sa atin, pumapatay at umaabuso tayo sa kapangyarihan. Namamayani ang kasamaan. Iyan ang nakakatakot kapag nakakalimutan ng tao ang kanyang kalikasan - na siya ay nilikhang kawangis ng Diyos at siya'y may angking likas na kabutihan. Sa Mabuting Balita, pinagaling ni Hesus ang dalawang inaalihan ng demonyo. Kaagad nakilala at naramdaman ng masasamang espiritu ang kapangyarihang nagmumula kay Hesus at kaagad-agad Siyang nakilala at kinilala ng mga ito kung kaya't nakiusap sila na sila'y itaboy na lamang sa mga baboy. Kung minsan nakakalungkot isipin na tayong mga anak ng Diyos, hindi natin kinikilala ang ating dignidad ng pagiging anak. Madalas sa kilala (we know) natin si Hesus ngunit ...

Hunyo 30, 2020. Martes sa ika-13 Linggo sa Karaniwang Panahon  Pagninilay sa Mabuting Balita ng Panginoon ayon kay San Mateo 8: 23-27  Sa buhay na ito, tunay na napakarami nating mga kaabalahan. Si nanay na nagsasaing, nasunog ang kanin dahil sa abala ring sa panoood ng TV., si kuya sa kakalaro sa gadget, nakalimutan ang pinabibili ni nanay sa tindahan matapos magsabi ng “wait lang”. Si ate abalang-abala sa pag-aaral para ma-mentain ang scholarship, napabayaan ang kalusugan kaya lumabo ang mata at nagkasakit. Si nanay at si tatay abala sa paghahap-buhay nakalimutan ang mga anak. Napakahaba ng listahan ng ating mga kaabalahan.  At kapag tayo ay abala, kinukuha ng ating kaabalahan ang ating lahat ng enerhiya, ang ating focus, ang ating atensyon.  Magandang tingnan: ang ating mga kaabalahan kung minsan ang pumipigil sa atin upang makita at mas pagtuunan ng pansin ang tunay na mahalaga. Ang ating mga plano sa buhay, naisin, pagkatakot, at mga alalahanin ay pinupuno tayo ...

Hunyo 29, 2020.  Dakilang Kapistahan nina San Pedro at San Pablo, Mga Apostol Pagninilay sa Mabuting Balita ng Panginoon ayon kay San Mateo 16: 13-19 Iminumulat tayo ng mga pagbasa sa araw na ito ng Dakilang Kapistahan nina San Pedro at San Pablo na ang mga pagpapakasakit at pagsubok sa buhay na ito ay hindi maikukumpara sa luwalhating naghihintay sa mga taong mananatiling matatag sa kanilang pananampalataya at pagtupad sa misyong iniatas ni Hesus sa kanila.   Ang ating pagpupumilit maging tapat kay Kristo at sa Kanyang mga turo ay susubukin ng iba’t ibang mga problema at paghihirap na ating daraanan.    Kung minsan pa, kung kalian ka nagpipilit na lumapit kay Kristo at gawin ang Kanyang kalooban, lalo naman yatang dumarami at tumitindi ang mga pagsubok na iyong kinakaharap.     Remember that following and remaining faithful to Jesus do not guarantee a worry-free life.      Kasama na natin ang pagsubok    sa hanggang huling hin...

Hunyo 28, 2020. Ika-13 Linggo sa Karaniwang Panahon  Pagninilay sa Mabuting Balita ng Panginoon ayon kay San Mateo 10: 17-42  Sa ating Mabuting Balita, nagbibigay si Hesus ng kondisyon kung papaano ba maging isang tunay na tagasunod Niya. At tila napakahirap ng mga kondisyon, kabilang na rito ang pagpapasan ng krus araw-araw.  Bakit kaya marami ang ayaw sa krus? Ayaw natin ng krus sapagkat ang krus ay nangangahulugan ng kahihiyan? Sapagkat ito ay simbulo ng pagpapakasakit at paghihirap?  Tama. Yan nga ang kahulugan ng Krus. Pero binago na ni Hesus ang kahulugan ng Krus ng ito ay kanyang buong pusong yakapin at ialay ang Kanyang buhay rito para sa iyo at para sa akin. Naghirap at nagpakasakit si Hesus ngunit siya ay muling nabuhay. Hindi natatapos sa paghihirap at kamatayan ang krus. Humahantong ito sa tagumpay. Kaya sa mga tao ng muling pagkabuhay, ang krus ay hindi na instrumento ng pagpapakasakit bagkus ang krus ay imbitasyon para magmahal at magbigay. Ang ibigay a...

Hunyo 27, 2020. Sabado sa ika-12 Linggo sa Karaniwang Panahon / Kapistahan ng Mahal na Ina ng Laging Saklolo  Pagninilay sa Mabuting Balita ayon kay San Mateo 8: 5-17 Ipinapakilala si Hesus ng ating Mabuting Balita sa araw na ito bilang tagapagpagaling ng mga may sakit. Pinagagaling niya ang ating mga karamdaman at pinanunumbalik ang ating lakas. Pinagaling niya ang alipin ng senturyon at ang biyenang babae ni San Pedro. Magandang tingnan ang napakalaking pananampalatayang ipinakita ng senturyon na bagama’t hindi Hudyo at tagasunod ni Kristo, nagtiwala na mapapagaling ni Kristo ang kanyang alipin. Ang kanyang mga salita, na buong pagpapakumbaba at pagtitiwala niyang inusal ay siya rin nating dinarasal bago natin tanggapin ang katawan ni Kristo sa pakikinabang sa Banal na Misa. “Panginoon, hindi ako karapatdapat na magpatuloy sa Iyo, ngunit sa isang salita Mo lamang ay gagaling na ako.” Hindi kilala ng senturyon ng personal si Hesus. Maaring narinig lamang niya sa mga usap-usapan ng...

Hunyo 26, 2020. Biyernes sa ika-12 Linggo sa Karaniwang Panahon Pagninilay sa Mabuting Balita ng Panginoon San Mateo 8: 1-4 “True faith is not entitlement but humility to accept that we are just beggars before the Lord.” True faith is not entitlement, it is the humility to accept that we are just beggars before the Lord. Naalala ko pa noong high school ako pag hihingi ako ng extra na baon o pera at masyado akong nagpupumilit sasabihin sa akin ng nanay ko “Aba, kung makahingi ka, parang may ipinatago ka, ah.” Kung minsan, dahil sa sa tingin natin mabait naman tayo, sumusunod tayo sa utos ng Diyos, entitled na tayo sa mga biyaya na hinihingi at hihingin natin. Dahil mayroon tayong feeling of entitlement, nagagalit tayo at nagtatampo sa Diyos pag hindi natupad ang ating gusto o hinihingi. Wala tayong kabukasan na tanggapin ang sagot na “Hindi” mula sa Diyos. Ang lagi nating gusto ay “Oo”. Hindi dahil sa malaki ang pagtitiwala natin sa Diyos kaya’t puro “Oo” na lamang ang kanyang sagot, ng...

Hunyo 25, 2020. Huwebes sa ika-12 Linggo sa Karaniwang Panahon. Ika-37 Taon ng Pagkatatag ng Diyosesis ng Antipolo  Pagninilay sa Mabuting Balita ng Panginoon ayon kay San Mateo 7: 21 - 29 Sinasabi sa atin ng Mabuting Balita sa araw na ito na hindi sapat na kilalanin ang Diyos, maging kabilang at aktibo sa simbahan, at maglaan ng oras sa pananalangin. Kinakailangan ang pagkakaroon ng mas malalim na ugnayan sa Diyos at sa Banal na Espiritu, na siyang pinagmumulan ng inspirasyon tungo sa mas radikal na pagsasabuhay ng pananampalatayang ating ipininahahayag. Pinaaalalahan tayo ni Hesus na kinakailangang ang kaalaman natin sa Diyos at sa simbahan ay hindi manatiling kaalaman lamang. Kailangan nitong dumaloy mula sa ating isip, patungo sa ating puso na siyang magpapakilos sa ating mga kamay. At kapag dumadaloy sa ganyang direksyon ang kaalaman tungkol sa Diyos, natutupad natin at naisasabuhay ang kanyang kalooban. Tunay na ang pananampalatayang walang gawa ay patay, wika nga ni Santiago...

Hunyo 24, 2020. Miyerkules. Dakilang Kapistahan ng Kapanganakan ni San Juan Bautista Pagninilay sa Mabuting Balita ng Panginoon ayon kay San Lukas 1: 57-66, 80 Mahalaga ang pagdiriwang natin ng Dakilang Kapistahan ng Kapanganakan ni San Juan Bautista ngayong araw na ito sapagkat sa buong Simbahan, 3 lamang ang mga taong ipinagdiriwang natin ang kapanganakan sapagkat  kadalasan ang ating pinagdiriwang ay ang kanilang kamatayan (o kapanganakan sa buhay na walang hanggan). Si Hesus, ang kanyang Ina, ang Mahal na Birheng Maria at si San Juan Bautista, pinsan ng ating Panginoon at siyang naghanda ng Kanyang daraanan.  May tatlong nangingibabaw na salita sa ating mga pagbasa ngayong araw na ito ng Miyerkules: Pagtawag, pagpili at pagpapapala. At lahat ng mga salitang iyan, tumutukoy sa buhay ni San Juan na ngayon ay ginugunita natin sa kanyang kapistahan. Siya’y tinawag, pinili at pinagpala at kinalugdan ng Diyos. Pinili na siya’t tinawag ng Diyos duon pa lamang sa sinapupunan ng ka...

Hunyo 23, 2020, Martes sa ika-12 Linggo sa Karaniwang Panahon Pagninilay sa Mabuting Balita ng Panginoon ayon kay San Mateo 7: 6, 12-14 B Can Iniimbita tayo ng Mabuting Balita na patuloy nating sundan ang landas ni Hesus kahit pa ilayo nito tayo sa landas na tinatahak ng karamihan.  Napakagandang imahe dito yaong mga rumerespondeng bumbero kapag may sunog. Habang ang mga tao ay papaaalis at papalayo sa nasusunog na gusali, sinusuong naman ng mga bumbero ang gusali upang magsalba ng mga buhay at ari-arian. Hindi alintana ang sarili nilang kaligtasan, makatulong lamang. Ngayong may pandemya, ang mga medical frontliners ay sinusuong din ang landas ng panganib at pangamba, kabaligtaran sa lahat, para makapagbigay ng serbisyong medikal sa mga labis na nangangailangan nito. Iniwan nila ang kaligtasan ng kanilang mga tahanan upang harapin ang banta sa kanilang kalusugan, ganoon rin sa kalusugan ng kanilang mga mahal sa buhay, makatulong lamang at makapaglingkod sa kapwang may karamdaman....

Hunyo 22, 2020, Lunes sa Ika-12 Linggo sa Karaniwang Panahon Pagninilay sa Mabuting Balita ayon kay San Mateo 7: 1-5 Kapag tayo ay nanghuhusga, para bagang nagpapataw tayo sa isang tao ng sukatan o standard at ang taong ito, dahil hindi umubra sa ating sukatan, hinuhusgahan natin – ganyan ang ugali nyan kasi di tinuruan ng magulang, Ano ba naman ang aasahan sa taong yan, napakatamad, walang pakialam, sinungaling, balasubas, burara, at napakarami pang iba. Walang masamang pumuna sa kamaliang ginagawa ng iba kaya nga may tinatawag na fraternal correction. Ibig sabihin, itinatama natin ang ating kapwa sapagkat una, baka may mali siyang ginagawa, at ikalawa, nais natin siyang bumuti. Mahal natin siya. Kung kaya’t kinakakailangan na sabihin natin ito sa maayos at mahinahon na pamamaraan. Isaisantabi muna natin ang ating konklusyon. Mahusay tayo sa ganyan. Marami tayong mga assumptions tungkol sa mga tao at mga pangyayari. Ang ating nais muna ay linawin kung bakit halimbawa ang isang tao ay ...

Hunyo 21, 2020, Ika-12 Linggo sa Karaniwang Panahon (Cycle A) Pagninilay sa Mabuting Balita ng Panginoon ayon kay San Mateo 10: 26:33 Lahat tayo ay may mga takot at pangamba. Kung minsan natatakot tayo sa pagsapit ng hinaharap dahil wala itong kasiguruhan. Natatakot din tayong mawalan ng mahal sa buhay. Kung minsan naman ang ating kinatatakutan ay karamdaman, problema, o kung minsan natatakot tayong mabale wala.  Natatakot tayo sa madidlim na lugar, sa matataas na lugar, sa ilang mga hayop.  Napakahaba ng listahan ng ating kinatatakutan. Ang pagkatakot ay normal na reaksyon ng isang tao. Walang taong hindi nakararanas ng natatakot. Ang hindi normal ay kapag pinipigilan na tayo ng ating takot na gawin ang nararapat at naaapektuhan na ang ating kalusugan at pakikipag-ugnay sa ating kapwa. Ayaw na nating kumilos dahil tayo ay pinanghihinaan ng loob, pinangungunahan tayo ng ating takot. Sa Mabuting Balita sa araw na ito, tatlong beses na inulit ni Hesus ang “Huwag kang Matakot” at...

Hunyo 20, 2020, Sabado, Pag-alaala sa Kalinis-linisang Puso ni Maria Pagninilay sa Mabuting Balita ng Panginoon ayon kay San Lukas 2: 41-51 Ngayong araw na ito, ipinagdiriwang natin ang pag-aala-ala sa Kalinis-linisang Puso ni Maria. Sa pag-alaala sa kanyang kalinis-linisang puso , ating tinitingnan ang interior life ng Mahal na Birhen – ang kanyang mga katuwaan at hapis, ang kanyang kababaang loob at mabubuting katangian, ang kalinisan ng kanyang puso na laging handang sundin ang kalooban ng Ama, ang pagmamahal niya sa kanyang Anak at ang kanyang maka-inang pagkalinga sa lahat ng tao. Sa Mabuting Balita, ipinakita ang pagsunod ni Hesus hindi lamang sa Kanyang Amang nasa langit, bagkus sa kanyang ama at ina rin na sina Jose at Maria na siyang itinalaga ng Panginoon upang mag-alaga at magpalaki sa Kanya. Ipinakita rin ng banal na mag-anak na sina Hesus, Maria at Jose ang kahalagahan ng pagtitiwala na hindi pinababayaan ng Diyos ang mga sumusunod sa Kanyang kalooban. Naunawaan nila na ka...

Hunyo 19, 2020, Biyernes. Dakilang Kapistahan ng Kamahal-mahalang Puso ni Hesus Pagninilay sa Mabuting Balita ayon kay San Mateo 11: 25-30 Ang Puso ni Hesus ang pinakadakilang tanda ng awa ng Diyos. Ngayon ay araw ng pagdiriwang sa dakilang pag-ibig ng Diyos.   Sapagkat sa pamamagitan ng kanyang puso, ng kanyang pag-ibig, ipinahayag ng Diyos ang kanyang naisin na makipag-ugnayan sa atin.   God reaches out to us.  He wants to reveal himself to us in a more personal way and enter into greater intimacy and friendship with us.  Dahil sa pag-ibig    kaya Niya tayo nilikha at dahil din sa pag-ibig kaya Niya ipinadala ang Kanyang Bugtong na Anak, ang pinakadakilang tanda ng Kanyang pag-ibig,  upang makasama natin at makipamuhay sa atin, upang tayo’y turuan at pagalingin, at mag-alay ng buhay para sa atin.    Ganyan kalaki ang pag-ibig ng Diyos sa atin.    Laging nakahandang magbigay at magsakripisyo. At ang pag-ibig na unang ipin...

Hunyo 18, 2020, Huwebes sa ika-11 Linggo sa Karaniwang Panahon Pagninilay sa Mabuting Balita ayon kay San Mateo 6: 7-15 Sa panahong ito ng ECQ, GCG, MGCG labis na napakahalaga ng connectivity. Dahil hindi tayo makalabas masyado, dinadaan natin ang pakikipag-ugnay sa iba sa pamamagitan ng iba't ibang social media platforms basta maayos ang ating internet connectivity. Mahalaga ang connectivity kasi ito ang nag-lilink sa atin sa mga taong mahal natin o mahalaga sa atin, sa ngayon kahit virtual lang.   Sa buhay Kristiyano, mahalaga rin ang connectivity. We need to be constantly connected and communicating with the Lord through our prayer life. Sa ating Mabuting Balita, itinuturo ni Hesus ang tamang disposisyon sa pananalangin – Ang pagtawag at pagkilala sa Diyos bilang Ama natin. Napakaganda ng panalangin na si Hesus mismo ang nagturo. Sapagkat ito ay nakaugat sa malalim na pagkakakilala at ugnayan sa pagitan ni Hesus at ng Kanyang Ama. At ito rin ang nais niya para sa atin, na t...

17 Hunyo 2020, Miyerkules sa ika - 11 Linggo sa Karaniwang Panahon Pagninilay sa Mabuting Balita ayon kay San Mateo 6: 1-6, 16-18 Sa Mabuting Balita, tila nagbibigay ng guidelines si Hesus kung paano tutulong sa kapwa, magdadasal at mag-aayuno - mga gawain ng isang mabuting Kristiyano. Magandang tingnan, ano ang motibo natin kung bakit natin ginagawa ang mga bagay na ito? Ginagawa ba natin ito dahil ito ang idinidikta ng ating puso at siyang nararapat gawin ng isang taong nagmamahal at sumusunod sa kalooban ng Diyos o ginagawa natin ang mga ito para tayo ay makapagpasikat, mapuri at mapansin ng ibang tao? Kung minsan, we do the right thing for the wrong reason. Tama ang ginagawa natin ngunit may hindi tama sa dahilan o motibo natin. At yan ang nais itama ni Hesus sa ating Mabuting Balita. Harinawa ang tangi nating dahilan sa pagtulong sa kapwa ay upang sundin ang kalooban ng Diyos. Wala nang iba pa. Sapagkat kung ang ating paggawa ng mabuti ay nakasandig lamang upang tayo ay mapuri, ma...

16 Hunyo 2020, Martes sa ika-11 Linggo sa Karaniwang Panahon Pagninilay sa Mabuting Balita ng Panginoon ayon kay San Mateo 5: 43-48 Kapag tayo ay may kaaway, dala ng ating galit o tampo, palagi agad tayong may judgment sa taong ating nakasamaan ng loob. Siya ang may kasalanan, bakit nya nagawa sa akin ito, napakasama niya. Ilan lamang iyan sa mga salitang maaring masabi natin tungkol sa taong ating nakaaway. Dahil diyan, isinasara natin ang puso natin sa taong iyon. Marahil masasabi rin natin, hindi natin siya mapapatawad. Pero ang Diyos, hindi isinasara ang puso Niya sa kahit na kanino. Sabi nga sa Mabuting Balita, pinasisikat Niya ang araw sa mabuti at masama, at nagpapaulan sa makatarungan at di makatarungan. Walang panghuhusga sa paningin ng Diyos. Mga anak ang tingin Niya sa bawat Isa sa atin. Kung gayon, kabilang tayo sa mga pinaghaharian ng Diyos kung tayo ay marunong ding tumingin ng kagaya ng pagtingin Niya - may pagmamahal at pang-unawa sa ating kapwa, walang halong panghuhus...

15 Hunyo, 2020. Lunes sa ika-11 Linggo sa Karaniwang Panahon Pagninilay sa Mubuting Balita ayon kay San Mateo 5: 38-42 Minimum, Maximum.  Sa ating araw-araw na pamumuhay, pag naririnig natin ang salitang minimum, ibig sabihin, yun ang pamantayan o benchmark. Pag mayroon halimbawa ng ganoong halaga, kunwari, minimum wage, ibig sabihin makatarungan ang sahod na iyon, kung minimum fare naman, iyon ang makatarungang pamasahe para sa ganoong distansya. Pero pag sinabing minimum effort, parang hindi magandang pakinggan, para namang kulang. May maibibigay pa, may pwede pang gawin.  Sa ating Mabuting Balita, tayo ay inaanyayahan at hinahamon na lampasan ang minimum. May pagbanggit sa batas ng mata sa mata, ngipin sa ngipin o Lex Talionis. Sa unang tingin, para bang masama ang batas na ito dahil ito ay nangangahulugan ng gantihan. Dahil may inutang kang buhay, buhay din ang kapalit halimbawa. Pero sa mas malalim na pagunawa sa batas, hindi ganoon ang ibig sabihin nito. Ito ay sumisigur...

Ika 14 ng Hunyo, 2020, Dakilang Kapistahan ng Kabanal-banalang Katawan at Dugo ng Panginoon (Cycle A) Pagninilay sa Mabuting Balita ng Panginoon ayon kay San Juan 6: 51-58 Ngayon ay ipinagdiriwang natin ang Dakilang Kapistahan ng Kabanal-banalang Katawan at Dugo ng Panginoon. At may nangingibabaw sa ating mga pagbasa sa araw na ito ng Linggo - yaon ay ang "Ala-ala" o memory sa wikang Ingles. Napakahalaga ng alaala o memory sa buhay ng isang tao. Sapagkat nakasalalay sa alaala ng isang tao ang kahihinatnan ng kanyang pakikipag-ugnayan o relationship sa ibang tao. Kapag maganda ang ala-ala natin sa isang tao, mas tumitibay ang ating ugnayan sa kanya, mas lalo tayong napapalapit o mas minamahal natin ang taong iyon. Pero pag ang matingkad na alaala natin sa isang tao ay hindi maganda, iniiwasan natin siya. Nais natin siyang burahin sa ating ala-ala. Kung kaya't napakahirap sa isang pamilyang may magulang o kapatid na nagkakaroon ng Alzheimer's o dimentia. Sapagkat binubu...