Homilies and Reflections. Huwebes sa Ika-12 Linggo sa Karaniwang Panahon

-

Hunyo 25, 2020. Huwebes sa ika-12 Linggo sa Karaniwang Panahon. Ika-37 Taon ng Pagkatatag ng Diyosesis ng Antipolo 

Pagninilay sa Mabuting Balita ng Panginoon ayon kay San Mateo 7: 21 - 29

Sinasabi sa atin ng Mabuting Balita sa araw na ito na hindi sapat na kilalanin ang Diyos, maging kabilang at aktibo sa simbahan, at maglaan ng oras sa pananalangin. Kinakailangan ang pagkakaroon ng mas malalim na ugnayan sa Diyos at sa Banal na Espiritu, na siyang pinagmumulan ng inspirasyon tungo sa mas radikal na pagsasabuhay ng pananampalatayang ating ipininahahayag.

Pinaaalalahan tayo ni Hesus na kinakailangang ang kaalaman natin sa Diyos at sa simbahan ay hindi manatiling kaalaman lamang. Kailangan nitong dumaloy mula sa ating isip, patungo sa ating puso na siyang magpapakilos sa ating mga kamay. At kapag dumadaloy sa ganyang direksyon ang kaalaman tungkol sa Diyos, natutupad natin at naisasabuhay ang kanyang kalooban. Tunay na ang pananampalatayang walang gawa ay patay, wika nga ni Santiago. Buhay ang ating pananampalataya kapag tinutupad natin ang kalooban ng Diyos.

Sa panahon ngayon na maraming mga naglalaban-laban na boses ang ating pinakikinggan, kaninong boses tayo mananangan at magtitiwala? Hindi ba kay Hesus na nagsasalita nang may kapangyarihan – dinadala tayo sa kaganapan ng buhay. 

Napakaganda ng mga salita ni San Francisco ng Asis: “Preach only when necessary.” Ang ating buhay Kristiyano mismo, ang ating kilos at gawa ang magpapatutoo na si Hesus nga ang naghahari sa ating buhay. Gawa higit sa salita. 

Ngayon na nakakaranas tayo ng matinding pagsubok, maraming tao ang nahihirapan, marami ang nagugutom at nawalan ng hanap buhay. Ngayon higit kaylan man natin maipapakita ang radikal na pagsasabuhay ng ebanghelyo. Sabi nga ni Sta. Teresa ng Calcutta: “If you cannot feed a hundred, just feed one.” 

At harinawa, pag dumating ang oras na tayo ay haharap at magsusulit sa Diyos, huwag nawa Niya tayo itatwa bagkus sasabihin Niya, “Halika, mabuti at matapat kong alagad, makibahagi ka sa aking kasiyahan.“ Amen.

Mga Komento

Mag-post ng isang Komento

Mga sikat na post sa blog na ito

Homilies and Reflection. Huwebes sa Ika-7 Linggo sa Muling Pagkabuhay

-
Imahe
May 12, 2016. Thursday of the Seventh Week of Easter Reflection on the Holy Gospel according to John 17: 20-26  Lifting up his eyes to heaven, Jesus prayed saying: “I pray not only for these, but also for those who will believe in me through their word, so that they may all be one, as you, Father, are in me and I in you, that they also may be in us, that the world may believe that you sent me. And I have given them the glory you gave me, so that they may be one, as we are one, I in them and you in me, that they may be brought to perfection as one, that the world may know that you sent me, and that you loved them even as you loved me. Father, they are your gift to me. I wish that where I am they also may be with me, that they may see my glory that you gave me, because you loved me before the foundation of the world. Righteous Father, the world also does not know you, but I know you, and they know that you sent me. I made known to them your name and I will make it known, that the lov...
Magbasa nang higit pa

Homilies and Reflection. Lunes Santo

-
Imahe
March 21, 2016, Monday of Holy Week  Reflection on the Holy Gospel according to John 12:1-11   Six days before Passover Jesus came to Bethany, where Lazarus was, whom Jesus had raised from the dead. They gave a dinner for him there, and Martha served, while Lazarus was one of those reclining at table with him. Mary took a liter of costly perfumed oil made from genuine aromatic nard and anointed the feet of Jesus and dried them with her hair; the house was filled with the fragrance of the oil. Then Judas the Iscariot, one of his disciples, and the one who would betray him, said, “Why was this oil not sold for three hundred days’ wages and given to the poor?” He said this not because he cared about the poor but because he was a thief and held the money bag and used to steal the contributions. So Jesus said, “Leave her alone. Let her keep this for the day of my burial. You always have the poor with you, but you do not always have me.”  The large crowd of the Jews found out t...
Magbasa nang higit pa

Homilies and Reflections. IKa-14 na Linggo sa Karaniwang Panahon - A

-
Imahe
Hulyo 5, 2020. Ika-14 na Linggo sa Karaniwang PanahonSunday  Pagninilay sa Mabuting Balita ng Panginoon ayon kay San Mateo 11: 25-30 Sa aking pagninilay sa mga pagbasa sa araw na ito ng ika-14 na Linggo sa Karanwiang panahon, nangibabaw ang dalawang salita. Kababaang-loob at kapahingahan. Sa mga pagbasa, ipinapakita na ang ipinangakong Mesiyas, may kababaang-loob. Taglay ay kapayapaan para sa bayang Israel.  Sa Mabuting Balita, sinabi ni Hesus na ipinahahayag ng Ama ang Kanyang Sarili sa mga simple at mabababa ang kalooban.. At si Hesus mismo, nagtataglay ng kababaan ng loob.. Sa ating buhay, madalas ay umaasa tayo sa ating sarili. Gustong gusto nating sabihin na “I am a self-made person.” Umunlad ako at nagtagumpay dahil sa sarili kong pagsisikap at pagpupunyagi. Kaya umaasa tayo, kakayanin natin ang lahat ng bagay. Masipag tayo. Madiskarte tayo at marunong sa buhay. I am in control of my life."  Wala namang masamang magtiwala sa sariling kakayahan. Pero minsan sa ating ...
Magbasa nang higit pa