PinoyWiseFriar

Hulyo 27, 2020. Lunes sa ika-17 Linggo sa Karaniwang Panahon Pagninilay sa Mabuting Balita ayon kay San Mateo 13: 31-35 Habang binabasa ko ang Mabuting Balita kagabi, pumasok agad sa isip ko ang tag line ng isang energy drink – “Great things start from small beginnings.” At iyan ang mensahe ng Mabuting Balita. Walang malaking bagay na hindi nagsimula sa maliit, sa wala. Halimbawa ang malalaking building, hindi sila sumulpot na matatayog na mga istruktura kaagad-agad, bagkos, ito ay nabuo sa pamamagitan ng pagsasama-sama ng maliliit na bahagi; magmula sa mga maliliit na bato, semento, bakal at marami pang iba upang maitayo ang mataas na gusali. Sa araw na ito, muling gumamit ang Panginoong Hesus ng talinghaga upang ipaunawa kung paano nagagaganap ang paghahari ng Diyos. At ikinumpara nya ito sa maliit na butil ng mustasa at sa lebadura na inihahalo sa harina. Ang butil ng mustasa, pinakamaliit sa lahat ng mga buto, ngunit pag tumubo, magiging pinakamalaki sa lahat ng mga gulay. Samantal...

  Hulyo 28, 2020. Martes sa ika17 Linggo sa Karaniwang Panahon Pagninilay sa Mabuting Balita ayon kay San Mateo 13: 36 43 Ang ating Mabuting Balita sa araw na ito ay siyang paliwanag ng Talinghaga ng Masasamang Damo. Naghasik ang may ari ng mabuting binhi ngunit nuong kinagabihan, tinaniman ng kanyang kaaway ng damo ang bukirin. Kung kaya’t sabay na tumubo ang mga mabuting binhi, at masasamang damo. Ang mga masasamang damo, sila yaong gumagawa ng masama – sumusunod sa Diyablo. Samantalang ang mabubuting binhi, sila naman ang mga sumusunod sa kalooban ng Diyos. Mabuti at masamang binhi, sabay na tumubo sa bukirin – ang daigdig. Sa ating pagninilay sa araw na ito, isipin natin na ang bukirin ay hindi ang daigdaig bagkus, ang bukurin ang ay ang ating mga puso. At sa ating mga puso, sabay na tumutubo ang mabuting binhi at ang masamang damo. Naalala ko ang isang matandang kwento na base sa mga native American Indians. Sabi nila, sa ating puso daw ay may dalawang nakatirang leon – ang un...