PinoyWiseFriar

Hunyo 28, 2020. Ika-13 Linggo sa Karaniwang Panahon  Pagninilay sa Mabuting Balita ng Panginoon ayon kay San Mateo 10: 17-42  Sa ating Mabuting Balita, nagbibigay si Hesus ng kondisyon kung papaano ba maging isang tunay na tagasunod Niya. At tila napakahirap ng mga kondisyon, kabilang na rito ang pagpapasan ng krus araw-araw.  Bakit kaya marami ang ayaw sa krus? Ayaw natin ng krus sapagkat ang krus ay nangangahulugan ng kahihiyan? Sapagkat ito ay simbulo ng pagpapakasakit at paghihirap?  Tama. Yan nga ang kahulugan ng Krus. Pero binago na ni Hesus ang kahulugan ng Krus ng ito ay kanyang buong pusong yakapin at ialay ang Kanyang buhay rito para sa iyo at para sa akin. Naghirap at nagpakasakit si Hesus ngunit siya ay muling nabuhay. Hindi natatapos sa paghihirap at kamatayan ang krus. Humahantong ito sa tagumpay. Kaya sa mga tao ng muling pagkabuhay, ang krus ay hindi na instrumento ng pagpapakasakit bagkus ang krus ay imbitasyon para magmahal at magbigay. Ang ibigay a...

Hulyo 12, 2020. Ika-15 Linggo sa Karaniwang Panahon Pagninilay sa Mabuting Balita ayon kay San Mateo 13: 1-23 Marahil sa unang tingin, sasabihin natin na tila ang magsasaka sa kwento ni Hesus ay hindi bihasa sa pagtatanim. Sapagkat kung siya ay bihasa, hindi sana siya maghahasik ng binhi sa tabing kalsada, sa batuhan, sa dawagan. Doon lamang siya dapat magtatanim sa matabang lupa. Imposible talagang tumubo, lumago at magbunga ang binhi maliban doon sa matabang lupa. Marahil sasabihin natin, palibhasa mga mangingisda ang karamihan sa mga alagad ni Hesus, hindi siya pamilyar sa pagtatanin. Ngunit ang magsasaka ay hindi ordinaryong magsasaka ganoon din ang binhing itinatanim Niya. Ang magsasaka ay ang Diyos na nagbabakasakali. Nagbabakasakali na ang binhi (ang Kanyang Salita) ay mabubuhay at mag-uugat sa kahit na anong uri ng lupa (mga nakarinig ng Salita). Sapagkat ang kanyang Salita ay buhay at makapangyarihan. Tumatagos sa kaibuturan ng nakakarinig. Hindi ba’t nalikha ang daigdig dahil...

  Pebrero 23, 2020, Ika-7 Linggo sa Karaniwang Panahon Pagninilay sa Mabuting Balita ng Panginoon ayon kay San Mateo 5: 38-48 Sa ating mga pagbasa, tayo ay inaanyayahan na maging banal sapagkat ang ating Panginoong Diyos ay banal. At bilang nilikhang kanyang kawangis, kailangang matularan natin Siya, iyan ang dignidad natin bilang mga anak ng Diyos, ang mahalin Siya, umunlad sa kabanalan at makapiling ang Diyos pagdating ng panahon. Ngunit paano ba ang umunlad sa kabanalan? Sa mabuting balita, nabanggit ang batas ukol sa mata sa mata at ngipin sa ngipin na base sa sinaunang batas ni Hamurabi. Nilikha ang batas na ito para masigurong sapat at patas lamang ang gagawing paghihiganti ng kabilang partido. Halimbawa ikaw ay pumatay, isang buhay lang din ang kapalit. Sa ganoong pamamaraan, ang katarungan ay napapangibabaw. Napapanatili ang kaaayusan at kapayapaan sa hindi makatarungan at sobra-sobrang galit at paghihiganti.  But Justice is just the minimum of love. Jesus tells us tha...

  February 16, 2020, Sixth Sunday in Ordinary Time Reflection on the Gospel according to St. Matthew 5: 17-37 Our gospel this Sunday challenges us to go beyond ourselves and to do more. "I tell you, if your sense of right and wrong is not keener than that of the lawyers and the Pharisees, you will not enter the kingdom of heaven..."  We need to have the proper disposition in approaching and interpreting the law.  In the first place, why were laws made? They were there to guide the Jewish people in the practice of their faith, in how they are supposed to relate with God and neighbor.  Therefore, the laws should be able to facilitate an encounter with God and in encountering God in the laws, the Jews also come to encounter God in their neighbors.   As what Jesus has spoken - the two most supreme among the laws are two:  To love God with all your heart, with all your mind, with all your soul, with all your being and, to love others as you love yourself....

Enero 26, 2020, Ikatlong Linggo sa Karaniwang Panahon Pagninilay sa Mabuting Balita ayon kay San Mateo 4: 12-23 Sa ating mabuting balita sa araw na ito, pumili si Hesus ng apat na mangingisda upang maging Kanyang mga alagad. Naalala ko yung mga commercials sa TV noong bata pa ako.  Yun bang mga wais na mga misis.  Ang wais na ina, pinipili ang pinakamabuti, pinakamahusay para sa kanyang pamilya.  Talagang kikilatisin ang mga items na pinamimili kung kalidad at masarap at masustansya kung pagkain, at matibay at maganda kung gamit naman.  Yan daw ang pagiging wais.  Pero sa ating mabuting balita ngayon, tila hindi yata naging wais si Hesus sa pagpili sa unang apat niyang mga alagad?  Pumili siya ng apat na mangingisda upang maging kanyang mga tagasunod. Pero kung titingnan, maraming mga katangian ang mga mangingisda upang sila ay maging mabuting alagad. Mahaba ang kanilang pasensya sa pagkukumpuni at sa pagsasaayos ng lambat, marunong silang maghintay - kahit...

Hulyo 19. Ika-16 na Linggo sa Karaniwang Panahon Pagninilay sa Mabuting Balita ng Panginoon ayon kay San Mateo 13: 24-43 Marahil sa mga panahong ito na patuloy na umiiral ang mga kasamaan at kriminalidad ganoon din ang krisis dala ng pandemya, itatanong natin sa ating sarili, bakit laganap ang kasamaan sa mundo? Bakit kailangang maghirap ng mga tao? Bakit pinapayagan ng Diyos ang mga bagay na ito? Maganda yung pagninilay na narinig ko sa isang pari sabi niya: Sa ating buhay, may mga bagay na pinapayagan ngunit hindi ginugusto. Halimbawa, ang ating mga magulang, noong tayo ay maliliit pa, hinahayaan tayong manulay-nulay muna habang tayo ay natututong lumakad. Dahil mahina pa ang ating mga buto, maaari tayong mawalan ng balance, matumba o madapa, masasaktan tayo. Iiyak tayo. Hinayaan tayo ng ating mga magulang na maging independent nang sa ganoon, matutuo tayong lumakad mag-isa. Ngunit hindi ginusto ng ating magulang na tayo ay madapa at masaktan ngunit bahagi ito ng proseso ng ating pag...

  Hulyo 26, 2020. Ika-17 Linggo sa Karaniwang Panahon (Cycle A) Pagninilay sa Mabuting Balita ayon kay San Mateo 13: 44-52  Sa ating buhay, marami tayong mga pangarap. Marami tayong mga gustong marating para sa ating sarili at para sa ating mga mahal sa buhay. Upang marating ito, tayo ay nagsusumikap. Nagpapakapagod tayo. Gagawin natin ang lahat para maabot lamang ito. Halimbawa, gusto nating mapromote sa trabaho, magsisikap tayo upang maabot ang ninanais nating pwesto. Kung tayo naman ay estudyante, mag-aaral tayo ng mabuti. Kung may gusto tayong bilhin, pag-iipunan natin ito. At kung makamit na natin ang ating minimithi, may kakaibang saya o ligaya tayong nararanasan.  Ang ating mga pagbasa sa araw na ito, tungkol sa mga kayamanan at regalo. Sa unang pagbasa, si Haring Solomon ay tinanong ng Diyos kung ano ang nais niyang hilingin bilang bagong hari ng Israel at hiniling niya na magkaroon siya ng karungan at siya'y kinalugdan ng Diyos at pinagkaloob sa kanya ito at kasu...