Homilies and Reflections. Pagtatapos ng Pilgrimage Season Sa Antipolo

-

Hulyo 7, 2020. Martes. Pagtatapos ng Taunang Pagbista sa Dambana ng Mahal na Ina ng Kapayapaan at Mabuting Paglalakbay – Birhen ng Antipolo

Pagninilay sa Mabuting Balita ng Panginoon ayon kay San Lukas 1: 39-45


Ngayong araw na ito ay pormal na nating sinasaraduhan at tinatapos ang ekstra-ordinaryong pilgrimage season sa Dambana ng Mahal na Birhen ng Antipolo. Extra-ordinaryo ito sapagkat hindi tayo pisikal na nakatungo ngayon dito sa kanyang dambana upang mag-alay ng pananalangin at pasasalamat sa Ina ng Diyos.  Ngayon, wala pan kayo dito physically, kaisa naman namin kayo sa ating pagdiriwang ng Banal na Eukaristiya sa pamamagitan ng teknolohiya ng internet.  Kasama at kaisa namin kayo sa pamamagitan ng inyong virtual presence. 

Ngunit ito ay isang bagay na hindi natin dapat ikalungkot. Bagkus, dapat tayo ay matuwa. Sapagkat di man tayo nakatungo ngayon sa Mahal na Birhen ng Antipolo, siya naman ang personal na pumunta at tumuloy sa ating mga tahanan upang tayo ay bisitahin, kamustahin at bigyan ng pag-asa. 

Sa Mabuting Balita, napuspos ng kagalakan si Elisabet nang siya ay dalawin ng Mahal na Birhen at ultimo ang batang nasa kanyang sinapupunan ay naggagalaw sa tuwa dahil sa mabuting balita ng pagbisita ng ina ng Diyos. Harinawa, ang karanasan ng extra-ordinaryong pilgrimage na ito, ay pumuspos din sa atin ng kagalakan sa pagdalaw ni Maria sa ating mga tahanan dala ang pag-asa at kapayapaang nagmumula sa kanyang Anak.

Marahil tayo ngayon ay nakakaranas ng pagkabagabag.  Marami tayong iniisip.  Maraming problema at suliraning kailangang bigyan solusyon dala ng dinaranas nating pandemya.  Si Maria, para bang sinasabihan  tayong pumayapa, manalig at magtiwala.  Tulad ng isang ina na nakikipagdiwang sa ating mga tagumpay, inaalagaan tayo sa panahon ng ating pagkakasakit, inaalo tayo sa panahon ng ating kalungkutan - nariyan ang Mahal na Ina - ninanais tayong balutin sa kanyang tunay na makainang kalinga at pagmamahal.  

Tunay na ang paglapit natin kay Maria ay paglapit natin kay Hesus na kanyang Anak. Parati niya tayong sinasabihan – “Gawin ninyo ang ano mang sabihin Niya..” Tunay na walang nagmahal sa Anak na hindi nagmahal sa ina sa pagkat ang buhay nila ay tunay na magkadugtong – buhay na inilaan sa pagtupad sa kalooban ng Diyos.

Mga kapatid, bigyang pag-asa nawa tayo at kalakasan ng Mahal na Birhen, na gumagabay sa atin dito sa paglalakbay natin sa daigdig na ito. Patuloy nawa niya tayong alalayan tungo sa kaganapan ng buhay na masusumpungan lamang sa kanyang Anak na si Hesus at sa pagsunod sa kalooban ng Ama.

Dati, nagtutungo tayo dito sa dambana ng Mahal na Ina ng Kapayapaan at Mabuting Paglalakbay upang mahawakan ang kanyang mapaghimalang imahe at ilahad ang mga kahilingan ng ating puso. Ngayong araw na ito, siya ang pumupunta sa atin, hinihipo tayo upang tayo ay pagalingin, patatagin at pagpalain. Tunay na hindi tayo pababayaan ng ating Ina na patutuloy na namamagitan at nananalangin para sa aitn sa kanyang Anak na si Hesus. Amen.

Photo: CTTO

Mga Komento

Mag-post ng isang Komento

Mga sikat na post sa blog na ito

Homilies and Reflection. Huwebes sa Ika-7 Linggo sa Muling Pagkabuhay

-
Imahe
May 12, 2016. Thursday of the Seventh Week of Easter Reflection on the Holy Gospel according to John 17: 20-26  Lifting up his eyes to heaven, Jesus prayed saying: “I pray not only for these, but also for those who will believe in me through their word, so that they may all be one, as you, Father, are in me and I in you, that they also may be in us, that the world may believe that you sent me. And I have given them the glory you gave me, so that they may be one, as we are one, I in them and you in me, that they may be brought to perfection as one, that the world may know that you sent me, and that you loved them even as you loved me. Father, they are your gift to me. I wish that where I am they also may be with me, that they may see my glory that you gave me, because you loved me before the foundation of the world. Righteous Father, the world also does not know you, but I know you, and they know that you sent me. I made known to them your name and I will make it known, that the lov...
Magbasa nang higit pa

Homilies and Reflection. Lunes Santo

-
Imahe
March 21, 2016, Monday of Holy Week  Reflection on the Holy Gospel according to John 12:1-11   Six days before Passover Jesus came to Bethany, where Lazarus was, whom Jesus had raised from the dead. They gave a dinner for him there, and Martha served, while Lazarus was one of those reclining at table with him. Mary took a liter of costly perfumed oil made from genuine aromatic nard and anointed the feet of Jesus and dried them with her hair; the house was filled with the fragrance of the oil. Then Judas the Iscariot, one of his disciples, and the one who would betray him, said, “Why was this oil not sold for three hundred days’ wages and given to the poor?” He said this not because he cared about the poor but because he was a thief and held the money bag and used to steal the contributions. So Jesus said, “Leave her alone. Let her keep this for the day of my burial. You always have the poor with you, but you do not always have me.”  The large crowd of the Jews found out t...
Magbasa nang higit pa

Homilies and Reflections. IKa-14 na Linggo sa Karaniwang Panahon - A

-
Imahe
Hulyo 5, 2020. Ika-14 na Linggo sa Karaniwang PanahonSunday  Pagninilay sa Mabuting Balita ng Panginoon ayon kay San Mateo 11: 25-30 Sa aking pagninilay sa mga pagbasa sa araw na ito ng ika-14 na Linggo sa Karanwiang panahon, nangibabaw ang dalawang salita. Kababaang-loob at kapahingahan. Sa mga pagbasa, ipinapakita na ang ipinangakong Mesiyas, may kababaang-loob. Taglay ay kapayapaan para sa bayang Israel.  Sa Mabuting Balita, sinabi ni Hesus na ipinahahayag ng Ama ang Kanyang Sarili sa mga simple at mabababa ang kalooban.. At si Hesus mismo, nagtataglay ng kababaan ng loob.. Sa ating buhay, madalas ay umaasa tayo sa ating sarili. Gustong gusto nating sabihin na “I am a self-made person.” Umunlad ako at nagtagumpay dahil sa sarili kong pagsisikap at pagpupunyagi. Kaya umaasa tayo, kakayanin natin ang lahat ng bagay. Masipag tayo. Madiskarte tayo at marunong sa buhay. I am in control of my life."  Wala namang masamang magtiwala sa sariling kakayahan. Pero minsan sa ating ...
Magbasa nang higit pa